Azərbaycan Müdafiə Nazirliyində keçirilən görüşdə general-polkovnik Zakir Həsənov ölkəmizlə ABŞ arasında mövcud hərbi əlaqələrin yüksək səviyyədə olduğunu vurğulayıb və bu əməkdaşlığın hər iki dövlət üçün strateji əhəmiyyət daşıdığını bildirib.
ABŞ nümayəndə heyətinin üzvü Markveyn Mallin görüşün önəmini qeyd edərək, qarşılıqlı səfərlərin və müxtəlif formatlarda təşkil olunan danışıqların əməkdaşlığın genişləndirilməsində effektiv rol oynadığını bildirib.
Görüş zamanı tərəflər hərbi, hərbi-texniki və hərbi təhsil sahələrindəki əməkdaşlığın cari vəziyyətini, yeni imkanları və gələcək perspektivləri ətraflı şəkildə müzakirə ediblər. Eyni zamanda, qarşılıqlı maraq doğuran digər sahələr üzrə fikir mübadiləsi aparılıb, əməkdaşlığın strateji və praktiki aspektləri qiymətləndirilib.